Cyhoeddwyd enillwyr dwy o Wobrau’r Selar heno ar raglen Radio Cymru Siân Eleri.
Ar ôl cipio teitl ‘Seren y Sîn’ ddoe, bydd rhaid i Mared wneud bach mwy o le ar y silff ben tân gan iddi hefyd gael ei chyhoeddi fel enillydd gwobr ‘Artist Unigol Gorau’.
Bu’n flwyddyn wych i’r gantores o Glwyd wrth iddi ryddhau ei halbwm cyntaf, Y Drefn, ym mis Awst a derbyn croeso enfawr.
Llongyfarchiadau anferthol i @maredwilliams97 am ennill ei hail wobr sef ‘Artist Unigol Gorau’ yng Ngwobrau @Y_Selar 2021 pic.twitter.com/d
— R
adio Cymru (@BBCRadioCymru) February 9, 2021
Yr ail wobr i gael sylw heno oedd ‘Band neu Artist Newydd Gorau’, a’r gantores ifanc Malan ddaeth i frig y bleidlais gyhoeddus.
Baeth Malan i amlygrwydd yn 2020 wrth ryddhau ei senglau unigol cyntaf, ac fe gyhoeddwyd fersiwn cyfyr ardderchog o glasur Edward H Dafis, ‘Smo Fi ishe Mynd’, ganddi hi ac Elis Derby wythnos diwethaf.
Dyma ymateb Malan i’r newyddion:
Er gwaetha’r cyfnod clo mae enillydd gwobr ‘Band/Artist Newydd’ Gwobrau @Y_Selar 2021 wedi llwyddo i greu argraff drwy ryddhau ei cherddoriaeth a pherfformio gigs rhithiol… llongyfarchiadau mawr i @malanfon ! 👌 pic.twitter.com/XfddhQumI4
— Radio Cymru (@BBCRadioCymru) February 9, 2021
Bydd enillwyr dau gategori arall yn cael eu datgelu ar Radio Cymru fory sef ‘Cân Orau’ ar ragen Ifan Evans yn y prynhawn, ac yna categori arbennig ‘Gwobr 2020’ ar raglen Lisa Gwilym gyda’r hwyr.