Fel sy’n draddodiadol tua’r adeg yma o’r flwyddyn, mae Euros Childs wedi rhyddhau albwm newydd er 22 Rhagfyr.
Blaming is all on Love ydy enw record hir diweddaraf y cerddor cynhyrchiol oedd yn arfer bod yn aelod o’r grŵp Gorkys Zygotic Mynci.
Mae’r albwm ar gael i’w ffrydio a lawr lwytho oddi-ar ei wefan, a’r cerddor ddim ond yn gofyn am gyfraniad o ddewis y gwrandäwr.
Mae’r casgliad newydd ychydig yn wahanol i albyms blaenorol Euros gan ei fod yn llawn o ganeuon gan gerddorion eraill.
Mae Euros yn gyfarwydd fel un o gyfansoddwyr gorau a mwyaf cynhyrchiol ei genhedlaeth, ond y tro hwn mae wedi troi at ganeuon sydd wedi’u hysgrifennu gan eraill gan gynnwys Kevin Ayers, Bert Jansch, Judee Sill, Julian Cope, Colin Blunstone, Jeff Lynne, Pete Dello, Duke Ellington & Sydney Russell, Ian Hunter a Syd Barrett.
Recordiwyd yr albwm ym Mhorth Lliw (Freshwater East) yn Sir Benfro gan y cynhyrchydd Stephen Black, sydd hefyd yn adnabyddus fel y cerddor Sweet Baboo.
Fe’i recordiwyd ym mis Mehefin 2021 gydag Euros yn chwarae’r piano, harmoniwm a’r gitâr ar y casgliad ynghyd â chanu.
Mae rhyddhau’r albwm yn cynnal rhediad anhygoel Euros Childs o ryddhau o leiaf un albwm unigol y flwyddyn ers rhyddhau ei record hir gyntaf, Chops, yn 2006.
Traciau’r albwm ‘Blaming it all on Love’:
Blaming it all on Love (gan Kevin Ayers)
Fresh as a Sweet Sunday Morning (gan Bert Jansch)
Lady O (gan Judee Sill)
Can’t Get it Out of my Head (gan Jeff Lynne)
I Want Some More (gan Colin Blunstone)
Morning Sunshine (gan Jeff Lynne)
Do I Still Figure in your Life (gan Pete Dello)
Don’t Get Around Much Anymore (gan Duke Ellington & Sydney Russell)
Head Hang Low (gan Julian Cope)
Roll Away the Stone (gan Ian Hunter)
Wined and Dined (gan Syd Barrett)