Mae rhagor o restrau byr Gwobrau’r Selar wedi’u datgelu’n gynharach heno ar raglen BBC Radio Cymru Lisa Gwilym.
Wythnos diwethaf fe gyhoeddwyd yr enwau oedd wedi cyrraedd rhestrau byr cyntaf y Gwobrau ar raglen Lisa Gwilym, sef categorïau ‘Cân Orau’ a ‘Gwaith Celf Gorau’.
Heno fe ddatgelodd Lisa pa bedwar enw sydd wedi dod i frig y bleidlais gyhoeddus yn y categorïau ‘Fideo Gorau 2021’ a ‘Record Hir Orau 2021’.
Rydym hefyd yn gwybod pwy sydd ar restrau byr categorïau ‘Artist Unigol Gorau’ a ‘Band neu Artist Newydd Gorau’ yn dilyn cyhoeddiad ar raglen BBC Radio Cymru Huw Stephens wythnos diwethaf.
Heb oedi ymhellach felly, dyma nhw:
Fideo Gorau 2021 (noddir gan S4C)
Arthur – Papur Wal
Hei Be Sy – Y Cledrau
Theatr – Sŵnami
Llyn Llawenydd – Papur Wal
Record Hir Orau 2021
Cashews Blasus – Y Cledrau
Amser Mynd Adra – Papur Wal
Hir Oes i’r Cof – Breichiau Hir
Da ni ar yr un Lôn – Dylan Morris
Bydd Ifan Davies yn datgelu’r rhestau byr olaf wrth iddo gadw sedd Huw Stephens yn gynnes ar Radio Cymru nos fory.
Bydd yr enillwyr i gyd yn cael eu cyhoeddi mewn rhaglenni arbennig gan Lisa a Huw ar Radio Cymru nos Fercher a nos Iau nesaf, 16 a 17 Chwefror.