Mae trefnwyr gŵyl gerddoriaeth newydd sbon yng Nghrymych, Sir Benfro, wedi cyhoeddi manylion y digwyddiad.
Bydd Gŵyl Fel ‘na Mai yn cael ei chynnal ar safle Maes Ploveilh yng Nghrymych, sydd yng nghesail mynydd y Frenni Fawr, gyda golygfeydd godidog o fryngaer Moel Drigarn yn mynyddoedd y Preselau.
Cynhelir yr ŵyl newydd ar 7 Mai ac mae addewid o ddau lwyfan, ynghyd â chyfleusterau bwyd, bar diodydd a gweithgareddau plant amrywiol.
Mae’r leinyp hefyd yn drawiadol ac yn cynnwys rhai o enwau mwyaf cerddoriaeth gyfoes Gymraeg fel Mei Gwynedd a Los Blancos, ochr yn ochr â thalentau lleol sy’n cynnwys corau, cantorion unigol a stand yps.
Dyma’r perfformwyr sydd wedi’u cyhoeddi hyd yma ar gyfer y digwyddiad:
Mei Gwynedd
Dafydd Iwan
Los Blancos
Bwncath
Einir
Dafydd
Dafydd
Pantrod a’r band
DJ Daf
Dafydd Pantrod a’r band
Côr Bois Clwb Rygbi Crymych
Erin Byrne
Manon Elster Jones
Côr Dysgu Cymraeg Sir Benfro
Ysgol Bro Preseli
Yn ôl y trefnwyr bydd mwy o berfformwyr yn cael eu cyhoeddi rhwng hyn a dyddiad yr ŵyl.
Mae tocynnau’r ŵyl eisoes ar werth am bris cyntaf i’r felin gostyngol ar wefan yr ŵyl – £18 i oedolion a £12 i blant (pris llawn – £20/£15).