Morgan Elwy yn cyd-weithio gyda Pen Dub eto

Mae Morgan Elwyn wedi rhyddhau ei sengl newydd ers dydd Sadwrn 10 Medi. 

‘Fel Hyn’ ydy enw’r trac newydd sydd allan ar label Recordiau Bryn Rock, sef y label sy’n cael ei redeg gan frawd Morgan, Jacob Elwy. 

Unwaith eto, mae’r cerddor o Ddyffryn Clwyd wedi cyd-weithio â’r DJ a chynhyrchydd Pen Dub ar y trac diweddaraf yma. 

Dyma’r ail dro i Morgan weithio gyda Pen Dub i gynhyrchu trac reggae. Bu i Morgan ymddangos ar y gân ‘Tywysog Ni’ gan Pen Dub a ryddhawyd ym mis Mai 2021. 

Mae ‘Fel Hyn’ yn ôl y ddeuawd yn ddathliad o fywyd rhydd y sin reggae a dub Cymraeg gyda Pen Dub yn darparu’r curiad wrth i Morgan ganu ei alawon cryf gyda geiriau a llais unigryw, ond cyfarwydd i ni bellach. 

Mae fideo wedi’i gynhyrchu i gyd-fynd â’r sengl newydd ac fe recordiwyd hwn yn ystod parti reggae yn nhafarn Tŷ Coch ym Mhorthdinllaen. 

Dyma’r fideo ar gyfer ‘Fel Hyn’:

Gadael Ymateb