Cerddor cyfarwydd yn ôl gyda phrosiect newydd Moddion

Mae cerddor cyfarwydd wedi dychwelyd gyda phrosiect newydd, gan ryddhau EP ers dydd Gwener diwethaf, 18 Awst. 

Moddion ydy enw prosiect diweddaraf Gruff Pritchard sydd hefyd yn aelod o fandiau Yr Ods a Carcharorion. 

Mae EP cyntaf Moddion, ‘Golau Cyfarwydd’ allan ar label Lwcus T, ac ar gael ar y llwyfannau digidol arferol. 

Casgliad o bedair cân sydd ar ‘Golau Cyfarwydd’, caneuon a recordiwyd gan Gruff yn ystod gwanwyn 2023. 

Mae offeryniaeth ychwanegol ar un o draciau’r EP, sef ‘Pedwar’, gan un arall o aeodau Yr Ods, Osian Howells ac mae gwaith cymysgu’r caneuon gan Tom Loffman ac Aled Hughes.

Llun: Gruff Pritchard (agosaf at y camera) yn perfformio gyda’i gand Carcharorion.