Mae Lŵp, S4C wedi cyhoeddi fideo newydd ar gyfer sengl gyntaf yr artist ewro-pop, Bendigaydfran.
Bendigaydfran ydy Lewis Owen sy’n byw yng Nghaerdydd.
Daeth i amlygrwydd gyntaf fel artist cerddorol diolch i’r prosiect pop Cymraeg, Popeth, sy’n cael ei arwain gan Ynyr Roberts.
Roedd Bendigaydfran yn westai i Popeth ar y trac ‘Blas y Diafol’ a ryddhawyd yn Hydref 2022, a bu iddo ddilyn hynny gyda’i sengl unigol gyntaf, ‘Pwy Sy’n Crio Nawr?’ a ryddhawyd ym mis Mehefin eleni.
Mae’r fideo newydd ar gyfer y sengl i’w weld ar lwyfannau digidol Lŵp nawr.