Mae’r cynhyrchydd electronig o Langrannog, FRMAND, yn paratoi i ryddhau ei sengl nesaf ar ddydd Gwener 3 Mawrth.
‘Cyfrinach’ ydy enw’r trac diweddaraf gan y gŵr sydd hefyd yn gyfrifol am label Recordiau Bica.
Gyda’r sengl newydd mae FRMAND yn troi at gydweithio gyda dau o artistiaid eraill y label sef Jardinio a Gwcci.
Nid dyma’r tro cyntaf i FRMAND bartneriaethu gyda’r cynhyrchydd Jardinio – mae’r ddau wedi rhyddhau’r senglau ‘Gwahaniaeth’, ‘Dau Gi’ a ‘Popty Ping’ ar cyd yn y gorffennol.
Mae’r ddeuawd hip-hop Gwcci wedi cael dechrau bywiog i’r flwyddyn ar ôl rhyddhau eu sengl ddiweddaraf, ‘Canna’, ddechrau mis Chwefror.
Mae ‘Cyfrinach’ yn drac drwm a bas a gobaith FRMAND ydy bydd y sengl newydd yn dod â cherddoriaeth Gymraeg i flaen y gad yn y genre drwm a bas.
Perfformiwyd y trac yn fyw am y tro cyntaf yn nigwyddiad ‘Dydd Miswisg Cymru’ yng Nghlwb Ifor Bach, lle cafodd y dorf gyfle i brofi’r cyfuniad cyffrous o eiriau Cymraeg a churiadau Drwm a bas modern.