Cyhoeddi manylion Gŵyl Cefni

Mae trefnwyr Gŵyl Cefni yn Llangefni wedi cyhoeddi manylion y digwyddiad eleni. 

Dyddiad yr ŵyl boblogaidd ydy 7 ac 8 Mehefin, a’r lleoliad ydy Maes Parcio Neuadd y Dref, Llangefni.

Mae’r ŵyl yn dechrau ar y nos Wener gyda pherfformiadau gan Dafydd Iwan, Celt a Mojo yn cynnig noson o nostalgia.

Yna ar y nos Sadwrn, dau o fandiau mwyaf y sin – Bwncath a Fleur de Lys – ydy’r prif atyniadau.

Bydd perfformiadau dydd Sadwrn hefyd yn cynnwys Y Cledrau, Brodyr Magee, Ffatri Jam, Calibur a mwy.

Mae tocynnau’r digwyddiad bellach ar werth hefyd. 

 

Gadael Ymateb