Fleur de Lys yn rhyddhau ‘Gad Ni Fod’

Mae Fleur de Lys wedi rhyddhau eu sengl newydd ers dydd Gwener diwethaf, 31 Mai. 

‘Gan Ni Fod’ ydy enw’r trac newydd gan y band poblogaidd o Fôn ac mae allan ar label Recordiau Côsh. 

Mae dros flwyddyn ers i ail albwm Fleur De Lys, ‘Fory ar ôl Heddiw’, weld golau dydd am y tro cyntaf. Ers hynny, mae’r band wedi mynd o nerth i nerth a bellach wedi datblygu i fod yn un o’r prif fandiau mewn nifer o wyliau dros Gymru. 

Yn siŵr o blesio ffans hen a newydd, mae ‘Gad Ni Fod’ yn gweld y band yn mynd yn ôl at eu gwreiddiau cerddorol – yn tynnu ar eu riffs bachog a’u melodïau cofiadwy. 

Bydd cyfle i weld y band yn chwarae eu hanthemau heintus, gan gynnwys y sengl newydd, yng Ngŵyl Cefni ar yr 8 Mehefin.

Mae ‘Gad Ni Fod’ yn drac yr wythnos ar BBC Radio Cymru dros yr wythnos yma sy’n arwain at benwythnos Gŵyl Cefni.  

 

Gadael Ymateb