Ar ôl cyhoeddi eu EP cyntaf yn ddiweddar, mae’r band Huw Aye Rebals wedi rhyddhau eu sengl newydd, ‘Halen y Ddaear’.
Band o Ynys Môn ydy Huw Aye Rebals sy’n cael eu harwain gan eu ffryntman, Huw Al.
Aelodau eraill y band ydy Hayden Morgan ar y bass, Alex Roberts ar y drums, Tom Greenalgh ar y gitâr flaen a llais cefndir, a Barry Flash ar y gitâr rythm ac allweddellau.
Mae’r band yn chwarae cerddoriaeth roc gwlad a gwerin indie, ac wedi bod yn gigio’n rheolaidd dros yr haf gan brysur ehangu eu cyrhaeddiad.
Bu iddynt ryddhau eu EP, ‘Boni a Claid’, ar ddiwedd yr haf a nawr maent yn ôl gyda rhagor o gynnyrch newydd ar ffurf y sengl ddiweddaraf.
Mae’r sengl newydd allan yn ddigidol ar yr holl lwyfannau arferol.