Sengl gyntaf Griff Lynch ers tair blynedd

Tair blynedd ers rhyddhau ei sengl ddiwethaf, mae Griff Lynch wedi rhyddhau ei sengl newydd. 

‘Kombucha’ ydy enw’r  trac newydd ac mae’r sengl ar gael i’w ffrydio ar y llwyfannau digidol arferol trwy label Lwcus T, sef y label sy’n cael ei redeg gan Griff ei hun. 

Mae’r sengl, sy’n gawl o felodïau llachar a threfniannau llinynnol tynn, a’r newyddion da pellach ydy bod albwm unigol cyntaf y cerddor i ddilyn cyn diwedd y flwyddyn. 

“Ma’ wedi cymryd oes imi gael casgliad o ganeuon at ei gilydd, yn bennaf achos ’mod i’n recordio bob dim fy hun, ond mae’n teimlo’n amser da i ryddhau cyfanwaith” eglura Griff. 

Bydd y fideo sy’n cyd-fynd â’r trac yn cael ei gyhoeddi ar lwyfannau Lŵp, S4C ddydd Gwener yma, 7 Mehefin, a bydd Griff yn chwarae cyfres o gigs dros y misoedd nesaf gan gynnwys Tafwyl a gŵyl Sŵn.

Gadael Ymateb