Mae S4C wedi lansio cyfres newydd o fideos cerddoriaeth fydd yn cael eu cyhoeddi ar eu llwyfannau digidol dros yr haf.
Bydd deg o fideos cerddoriaeth newydd sbon yn cael eu dangos ar lwyfannau digidol S4C Miwsig rhwng 2 Gorffennaf a 3 Medi.
Mae’r prosiect yn codi o gais gan y sianel deledu ddiwedd 2025 am bobl o bob cefndir, diddordeb a genres i gyfarwyddo ar gyfer S4C Miwsig.
Bydd y fideos yn cael eu cyhoeddi bob dydd Iau am ddeufis, a’r cyntaf i ollwng ddydd Iau diwethaf, 2 Gorffennaf oedd fideo ar gyfer y trac ‘Gweld yn Glir’ gan Cordia. Hedydd Ioan sy’n gyfrifol am gyfarwyddo’r fideo.
Wythnos yma, ar ddydd Iau 9 Gorffennaf bydd y fideo nesaf yn cael ei gyhoeddi sef ‘Sbia ar y Byd’ gan Crwban sydd wedi’i gyfarwyddo gan Lewys Mann.
Bydd fideos pellach yn dilyn ar gyfer traciau gan TewTewTennau, Alis Glyn, Achlysurol, Moddion, Kizzy Crawford, Ffenest, Tokomololo a Gwen.
Rhestr lawn y fideos yn y gyfres:
2 Gorffennaf: Gweld yn Glir – Cordia (Hedydd Ioan)
9 Gorffennaf: Crwban – Sbia ar y Byd (Lewys Mann)
16 Gorffennaf: Tew Tew Tenau – Ma ’na Lais (Eleri Parry)
23 Gorffennaf: Alis Glyn- Llinyn Arian (Sam James)
30 Gorffennaf: Achlysurol – Pan Mae’r Haul yn Machlud (Owain Jones)
6 Awst: Moddion – Gwaith Trwsio (Branwen Jones)
13 Awst: Kizzy – Tudalen Wag (Lleucu Jenkins)
20 Awst: Ffenest – Emynau (Llyr Evans)
27 Awst: Tokomolo Youngr – Siliwet (Jamie Walker)
3 Medi: Gwen – Tina ar y Crusher (Brychan England)
Dyma fideo Cordia: