Angharad Jenkins a Patrick Rimes

Mae Angharad Jenkins a Patrick Rimes yn ddau artist sydd ar flaen y gad yn y sîn werin Gymraeg. A hwythau ymhlith aelodau gwreiddiol y band amryddawn CALAN, mae Angharad a Patrick (sydd hefyd yn rhan o Vrï) eisoes ymysg rhai o gerddorion fwyaf blaenllaw yn y cylchoedd cerddoriaeth draddodiadol yng Nghymru, wrth iddynt wthio ffiniau a herio confensiynau’r genre yn gyson dros y pymtheg mlynedd ddiwethaf, gan fynd â’r gerddoriaeth i uchelfannau newydd.