Mae Gŵyl Cefni yn Llangefni, Ynys Môn wedi cyhoeddi manylion arlwy gerddorol y digwyddiad eleni.
Cynhelir yr ŵyl ym maes parcio Neuadd y Dref, Llangefni a bydd cerddoriaeth fyw ar nos Wener 6 Mehefin a dydd Sadwrn 7 Mehefin.
Elin Fflur fydd y prif atyniad ar y nos Wener a bydd cefnogaeth gan y Moniars a Tesni Hughes.
Y band poblogaidd o Fôn, Fleur de Lys, fydd y prif enw ar y llwyfan perfformio ddydd Sadwrn, a bydd Gwilym, Mared, Cordia, Morgan Elwy, Huw Aye Rebals, Yr Anghysur a mwy yn perfformio hefyd yn ystod y dydd.
Mae modd archebu tocynnau ar gyfer yr ŵyl nawr.