Mae lleoliad cerddoriaeth CWRW yng Nghaerfyrddin wedi derbyn enwebiad ar gyfer gwobrau cerddoriaeth Radio Wigwam.
Gorsaf radio Brydeinig annibynnol ydy Radio Wigwam, ac maen nhw’n cynnal eu gwobrau blynyddol am y nawfed tro.
Mae CWRW wedi eu rhoi ar y rhestr hir ar gyfer categori ‘Pencampwr Lleoliad Llawr Gwlad’ (Grassroots Venue Champion) ynghyd â naw o leoliadau cerddoriaeth eraill.
Mae CWRW yn leoliad cyfarwydd iawn i unrhyw un sy’n dilyn y sin gerddoriaeth Gymraeg gyfoes, ac wedi bod yn ddylanwad mawr ar nifer o artistiaid a bandiau sydd wedi dod o ardal Caerfyrddin.
Y cyhoedd sy’n pleidleisio dros yr enillwyr ac mae’r bleidlais ar agor nawr.