Rhyddha hanner dwsin o recordiau Ail Symudiad yn ddigidol

Mae Ail Symudiad, un o grwpiau mwyaf cyfarwydd Cymru ers hanner canrif bellach, wedi rhyddhau nifer o recordiau o’u hôl gatalog yn ddigidol am y tro cyntaf wythnos diwethaf.

Y brodyr Wyn a Richard Jones ydy asgwrn cefn y grŵp o Aberteifi. Rhyddhawyd eu cynnyrch cynharaf ar eu label eu hunain, Fflach, a ffurfiwyd ym 1981, cyn mynd ati i ryddhau sawl record ar label Recordiau Sain.

Yna, trodd y grŵp yn ôl at eu label eu hunain gan gyhoeddi cyfres o recordiau ardderchog, yn ogystal â chynnyrch nifer helaeth o grwpiau ac artistiaid eraill.

Ers dydd Mercher diwethaf (29 Ebrill), mae hanner dwsin o’r recordiau a ryddhawyd ar Fflach ar gael ar lwyfannau digidol am y tro cyntaf, sef:

Yr Oes Ail (2002)

Pippo ar Baradwys (2006)

Anifeiliaid ac Eraill (2008)

Riviera Gymreig (2011)

Anturiaethau y Renby Toads (2012)

Stori Wir (2016)

Dyma un o glasuron yr albwm Yr Oes Ail, ‘Whisgi a Soda’:

Gadael Ymateb