Mae’r Eisteddfod Genedlaethol wedi cyhoeddi’r rhestr fer eleni ar gyfer eu gwobr flynyddol am ‘Albwm Cymraeg y Flwyddyn’.
Gyda phythefnos i fynd tan ddechrau’r Brifwyl, sy’n ymweld â Wrecsam eleni, cyhoeddwyd enwau’r 10 albwm sydd wedi cyrraedd y rhestr fer y tro hwn.
Bwriad y wobr, a drefnir ar y cyd gyda BBC Radio Cymru, yw dathlu pob math o gerddoriaeth Gymraeg sy’n cael ei rhyddhau yng Nghymru ar hyn o bryd.
Mae’r wobr bellach wedi bod yn rhedeg ers 2014 ac yn cynnwys pob math o arddulliau cerddorol o bop i werin, offerynnol, clasurol a chorawl ac mae’n agored i unrhyw un sydd wedi cynhyrchu albwm Cymraeg yn y cyfnod rhwng 1 Mehefin 2024 a 30 Mai 2025.
Bwriad y wobr yw rhoi’r sylw haeddiannol i’r cynnyrch sy’n cael ei ryddhau gan artistiaid yng Nghymru ac yn cael ei dyfarnu gan banel o 6 beirniaid o’r diwydiant cerddoriaeth yng Nghymru.
Y beirniaid eleni yw Martha Owen, Nico Dafydd, Elain Roberts, Gruffydd Davies, Branwen Williams a Heulyn Rees.
Bydd enw enillydd y wobr yn cael ei gyhoeddi ar lwyfan y Pafiliwn, am 18:10, ddydd Mercher 6 Awst.
Yr albyms sydd wedi cyrraedd y rhestr fer eleni ydy:
- Adwaith – Solas (Libertino)
- Bwncath – Bwncath III (Sain)
- Don Leisure – Tyrchu Sain (Sain)
- Elfed Saunders Jones – Cofiwch Roswell (Klep Dim Trep)
- Gwenno Morgan – Gwyw (Gwenno Morgan)
- Gwilym Bowen Rhys – Aden (Recordiau Erwydd)
- Pys Melyn – Fel Efeilliaid (Skiwhiff)
- Sywel Nyw – Hapusrwydd yw Bywyd (Lwcus T)
- Tai Haf Heb Drigolyn – Ein Albwm Cyntaf Ni (Pendrwm)
- Ynys – Dosbarth Nos (Libertino)