Mae’r band ifanc poblogaidd o Gaerdydd, Dadleoli, yn ôl gyda’u sengl ddiweddaraf.
‘Casanova’ ydy enw’r cynnig diweddaraf ganddynt sydd allan ar label JigCal.
Dyma sengl gyntaf Dadleoli ers rhyddhau eu halbwm ‘Fy Myd Bach I’ yn ystod haf 2024 – albwm a gafodd ei ethol fel ail albwm Cymraeg gorau 2024 gan ddarllenwyr cylchgrawn Y Selar.
Mae Efan, Jake, Jac, Tom a Caleb wedi creu argraff ar draws Cymru gyda’u sioeau byw egnïol, gan chwarae ar lwyfannau mwyaf y wlad ac mae’r grŵp yn edrych ymlaen at haf prysur unwaith eto eleni.
Gigs Haf 2025 Dadleoli
14 Mehefin – Tafwyl, Caerdydd
21 Mehefin – Parti Ponti
22 Mehefin – Pride Cymru
24 Mehefin – Clwb Ifor Bach, Caerdydd
26 Mehefin – Theatre Brycheiniog
28 Mehefin – Rali CFFI Clwyd
29 Mehefin – Ogi Ogi Ogwr
12 Gorffennaf – Gŵyl Canol Dre
19 Gorffennaf – Sessiwn Fawr Dolgellau
05 Awst – Llwyfan Y Maes, Wrecsam
08 Awst – Maes B, Wrecsam