Mae cyn-enillydd rhaglen Romeo & Duet, SJ Hill, a’r cynhyrchydd o Ogledd Cymru, Endaf, yn dod at ei gilydd unwaith eto i ryddhau eu pedwerydd trac ar y cyd, ‘Together’.
Yn dilyn llwyddiant eu traciau blaenorol, ‘Crazy Love’, ‘Good Day’ a ‘Take Over Me’, mae’r ddeuawd yn parhau i swyno gwrandawyr gyda’u cyfuniad unigryw o R&B, curiadau electronig, ac alawon bachog.
Wedi’i rhyddhau ar label annibynnol Endaf, High Grade Grooves, mae ‘Together’ yn gân serch sy’n ymdrin â themâu megis cysylltiad a pherthyn.
Gyda churiadau heintus, synths melfedaidd a lleisiau llyfn, mae’r trac yn amlygu SJ Hill ac Endaf fel artistiaid i’w gwylio yn 2025.