Mae’r canwr poblogaidd a bytholwyrdd, Neil Rosser, wedi rhyddhau ei sengl newydd.
‘Ffrindiau Gydol Oes’ ydy enw’r trac newydd ganddo.
Weithiau does dim angen i gyfansoddwr fynd i chwilio am ysbrydoliaeth a dyna’n union ddigwyddodd gyda sengl newydd Neil Rosser.
Ysgrifennwyd y gân ar gais Heddyr Gregory fel anrheg pen-blwydd i’w ffrind gorau ers dyddiau’r ysgol, Catrin Evans.
Mae ‘Ffrindiau Gydol Oes’ yn sôn am eu cyfeillgarwch drwy gyfnodau o hapusrwydd yn ogystal â chyfnodau mwy heriol. Mae’r neges yn syml; mae gwir gyfeillgarwch yn para am oes.
Yn gerddorol, mae’r trac wedi’i wreiddio mewn jazz Dixieland ac yn cynnwys unawd clarinét gwefreiddiol gan y cerddor jazz, Alun Williams.