Mae’r gantoes dalentog Malan yn paratoi ar gyfer taith hyrwyddo ei EP diweddaraf. Bydd Malan yn perfformio mewn tri gig yn ail hanner mis Mawrth, gyda dyddiadau yn Y Felinheli, Caerdydd a Llundain.
Rhyddhawyd yr EP ‘Right Here’ ganddi nȏl ym mis Tachwedd 2025 ac ar y pryd roedd ar fin hedfan i Ganada i berfformio yng ngŵyl M for Montreal.
Mae’r daith ddiweddaraf i hyrwyddo’r record fer yn dipyn nes at adref, ac wrth i ddyddiadau’r gigs agosau mae wedi cyhoeddi pa artistiaid fydd yn ei chefnogi ar y daith.
Bydd Lois Emanuel yn cynnig cefnogaeth iddi yn Llofft, Y Felinheli ar 14 Mawrth, tra bod yr artisti Bethan yn cefnogi yn Paradise Garden, Caerdydd ar 19 Mawrth.
Y gantores ifanc addawol Betsan Lees fydd y gefnogaeth yn gig olaf y diath yn Next Door Records West yn Llundain ar 20 Mawrth.
Gigs taith Right Here:
15 Mawrth – Lloft, Y Felinheli gyda Lois Emanuel
19 Mawrth – Paradise Garden, Caerdydd gyda Bethan
20 Mawrth – Next Door Records, Llundain gyda Betsan