Mae’r ddeuawd pop sinematig o Gaerdydd, Siula, yn dychwelyd gyda ‘Night Falls on the World’, sengl newydd sbon sy’n plethu synths esmwyth, curiadau cysurus, a geiriau trawiadol. Wedi’i ryddhau ar label Libertino, mae’r trac yn bodoli rhywle rhwng myfyrdod melancolaidd a ffrwydrad hypnotig, hyfryd.
Tra bod cynhyrchiad Llion Robertson yr un mor berffaith ag erioed, mae llais melfedaidd Iqra Malik yn dawnsio’n swil ar ben y curiadau gan greu seinwedd hiraethus, heintus.
Yn freuddwydiol ond eto’n dal sylw yn syth, mae ‘Night Falls on the world’ allan nawr ar Libertino.