Mae’r ddeuawd pop sinematig o Gaerdydd, Siula, wedi rhyddhau eu sengl newydd, ‘Fallen Angel’ – cyfuniad cysurus o densiwn ac emosiwn.
Yn plethu synths miniog, lleisiau haenog, a geiriau trawiadol, mae’r trac yn cyfleu’r cysylltiad coll gall ddatblygu mewn perthynas agos.
“Roeddwn i eisiau canu o’r ddwy ochr mewn perthynas dywyll,” meddai Iqra Malik o’r band.
“Mae’n ymwneud â cholli gafael ar berthynas arbennig a’r hiraeth a ddaw o hynny.”
Mae’r sengl allan ar Libertino, ac yn damaid i aros pryd cyn i albwm gyntaf Siula gyrraedd cyn diwedd y flwyddyn.
Dyma’r fideo ar gyfer y trac newydd sydd wedi’i ffilmio a golygu gan Dylan Malik Johns: