Mae’r cerddor o Wynedd, Ifan Rhys, wedi rhyddhau ei sengl newydd ers dydd Mercher 1 Hydref. ‘Nôl a Mlaen’ ydy enw’r trac diweddaraf ganddo sydd allan ar label INOIS, ac sy’n ychwanegiad i’w gasgliad cynnes o ganeuon ar yr EP ‘Hadau’ a ryddhawyd llynedd.
Wrth iddynt baratoi i ryddhau eu halbwm newydd y mis yma, mae SERA ac Eve Goodman wedi rhyddhau eu sengl ddiweddaraf ar y cyd.
Mae canwr gwerin poblogaidd, Gwilym Bowen Rhys, wedi cyhoeddi manylion cyfres o gigs y bydd yn perfformio yn Llydaw, Ffryslân ac Amsterdam yn ystod y mis.
Mae gŵr ifanc sydd wedi dysgu Cymraeg wedi dechrau podlediad newydd am gerddoriaeth Gymraeg. Joseph Morgan sy’n gyfrifol am bodlediad ‘Swntrack’ a dywed ei fod am geisio gwneud y rhaglenni’n agored ac yn hwyl i bawb boed chi’n rhugl yn y Gymraeg, yn dysgu’r iaith neu ddim ond yn chwilfrydig.
Mae’r cwmni dosbarthu a hyrwyddo cerddoriaeth PYST wedi cyhoeddi manylion y sefydliadau fydd yn cael eu cefnogi gan eu cronfa beilot newydd.
Bydd y band hwyliog o ardal Aberystwyth, Bwca, yn rhyddhau eu EP cyntaf ar 6 Hydref. Mae Bwca eisoes wedi rhyddhau dau albwm ond yr EP newydd fydd eu record fer gyntaf.
Mae modd archebu fersiwn feinyl o albwm newydd Griff Lynch nawr. ‘Blas Melysa’r Mis’ ydy enw albwm unigol cyntaf y cerddor ddaeth i’r amlwg fel aelod o Yr Ods, ac fe fydd yn cael ei ryddhau’n swyddogol ar 10 Hydref.
Mae Ani Glass wedi rhyddhau ei halbwm newydd – ‘Phantasmagoria’ ydy’r enw ar ail albwm unigol yr artist pop-electronig o Gaerdydd.
Mae Popeth, sef prosiect ‘pop positif’ y cerddor profiadol Ynyr Roberts, wedi ennill gwobr am gerddoriaeth annibynnol yng Ngwobrau AIM 2025 Daeth Ynyr yn fuddugol yng Ngwobrau AIM, yr “alternative Brit awards” ar gyfer labeli ac artistiaid annibynnol” yn Llundain nos Fawrth, 23 Medi.