Mae’r ddeuawd roc o ogledd Cymru, Alffa, wedi rhyddhau eu sengl ddiweddaraf. A hwythau’n enwog am fod y band Cymraeg cyntaf i weld un o’u caneuon yn croesi miliwn ffrwd ar Spotify, mae eu caneuon bellach wedi croesi cyfanswm o 8 miliwm ffrwd ar y platfform hwnnw.
Mae cylchgrawn Y Selar yn paratoi i ryddhau ein record feinyl aml-gyfrannog newydd, gan arddangos yr amrywiaeth wych o gerddoriaeth sy’n dod allan o’r sin gerddoriaeth Gymraeg ar hyn o bryd.
Mae HMS Morris yn paratoi i ddechrau eu taith Brydeinig ddiweddaraf ddechrau mis Mehefin. Mae’r band o Gaerdydd wedi sefydlu eu hunain fel un o grwpiau mwyaf cyffrous Cymru bellach, ac yn datblygu hefyd fel band sy’n teithio’r rheolaidd.
Mae manylion yr ŵyl flynyddol a gynhelir ym Methesda, Ara Deg, wedi eu datgelu gan y trefnwyr. Neuadd Ogwen ym Methesda ydy canolbwynt y digwyddiad a gynhelir bob blwyddyn ar ddiwedd mis Awst, a sy’n cael ei chyd-drefnu gan y cerddor amlycaf o’r ardal, Gruff Rhys.
Mae’r prosiect cerddorol Cymraeg o Birmingham, Ffos Goch, wedi rhyddhau sengl newydd ers dydd Gwener 24 Mai.
Mae Eden wedi rhyddhau eu halbwm cyntaf ers chwarter canrif. ‘Heddiw’ ydy enw’r record hir newydd gan yr eiconau pop Cymraeg, ac sydd allan ar label Recordiau Côsh.
Mae trefnwyr Gŵyl Cefni yn Llangefni wedi cyhoeddi manylion y digwyddiad eleni. Dyddiad yr ŵyl boblogaidd ydy 7 ac 8 Mehefin, a’r lleoliad ydy Maes Parcio Neuadd y Dref, Llangefni.
Mae Gŵyl Crug Mawr a gynhelir ger Aberteifi wedi dechrau cyhoeddi enwau’r artistiaid fydd yn perfformio yno fis Awst.
Mae Georgia Ruth wedi rhyddhau sengl arall oddi-ar ei halbwm newydd, ‘Cool Head’. ‘Chemistry’ ydy enw’r trac diweddaraf i ollwng gan yr artist o Aberystwyth, a dyma’r drydedd sengl i ymddangos oddi-ar ei halbwm nesaf.