Rydyn ni wedi gweld llwyth o ganeuon Nadolig Cymraeg newydd eleni, ac un arall i’r casgliad yw hwnnw gan y prosiect cerddorol newydd, Ffos Goch. ‘dim eira, dim sioe’ ydy enw’r trac sydd wedi’i ryddhau ar safle Bandcamp Ffos Goch ac mae’r sengl yn un elusennol gyda holl elw’r gwerthiant yn mynd i fanciau bwyd Reddich a Coventry yn Nghanolbarth Lloegr.
Mae Euros Childs wedi rhyddhau ei albwm diweddaraf ers dydd Iau 22 Rhagfyr. Curries ydy enw’r record hir newydd gan y canwr gyfansoddwr cynhyrchiol a ddaeth i amlygrwydd gyntaf fel ffryntman y grŵp arloesol, Gorky’s Zygotic Mynci.
Gruffudd ab Owain sy’n awgrymu pa artistiaid ifanc ddylai dilynwyr Y Selar gadw llygad arnyn nhw dros y flwyddyn i ddod… Roedd pryder ymysg nifer fod y pandemig a’i sgîl-effeithiau wedi dod â rhwystrau i gerddorion ifanc newydd yng Nghymru, ac y byddai’n her ennyn diddordeb a ffurfiant bandiau newydd wedi’r cyfnodau clo.
Mae fideo ar gyfer sengl ddiweddaraf y grŵp Hyll wedi’i gyhoeddi ar lwyfannau digidol Lŵp, S4C. Sengl Nadolig o’r enw ‘Noson ‘Dolig wrth y Bar’ ydy’r trac diweddaraf i ymddangos gan Hyll, ac mae’n ymuno a’r doreth o senglau Nadolig Cymraeg newydd sydd wedi’u rhyddhau dros y cwpl o wythnosau diwethaf.
Mae Gruff Rhys wedi cyhoeddi manylion albwm newydd sy’n drac sain ar gyfer y ffilm ‘The Almond and the Seahorse’.
Mae Meinir Gwilym wedi rhyddhau ei sengl ddiweddaraf ers dechrau mis Rhagfyr. ‘Goriad’ ydy enw’r trac newydd sydd allan ar label Gwynfryn Cymunedol.
Mae label Ankstmusik wedi atgyfodi record aml-gyfrannog a’i rhyddhau’n ddigidol am gyfnod byr er mwyn codi arian at elusen cancr.
Mae’r band metal o Fangor, CELAVI, wedi rhyddhau eu sengl ddiweddaraf ers dydd Gwener diwethaf, 16 Rhagfyr.
Mae’r Eisteddfod Genedlaethol wedi cyhoeddi bod tocynnau Maes B 2023 bellach ar werth. Mae modd archebu tocynnau ‘Bargen Gynnar’ ar gyfer gŵyl gerddoriaeth ymylol yr Eisteddfod, a gynhelir yn Llŷn ac Eifionydd fis Awst nesaf, ar wefan Maes B nawr.